Y Tegeirian - Ysgol Maes Hyfryd

Mae rhaff y gorffennol yn mynd yn frau,

Lle bu deg tŷ tafarn, does heddiw ond dau,

Cyn hir bydd pob capel a siop wedi cau,

A pheidio â bod sy’n dod wedyn…

Y bore hwnnw, a haul dros y fro,

Aeth y pethau hynny i gyd dros go’

A ninnau yn cael mynd am dro

Hyd ffordd ddigyffro’r Berwyn.

Ond a’r ffordd yn mynd yn gulach o hyd,

Ac Elie Bedwell yn crynu i gyd

A’r dibyn yn debyg i grac yn y byd,

O! Dyna daro aderyn!

Roedd ‘na sôn am geffylau, ond welson ni’r un,

Na barcud, chwaith, na dafad na dyn;

Mae pawb ar y mynydd ar ei ben ei hun,

A blodyn prin yw cymydog.

A meddwl y buom am bethau’n prinhau

Pentrefi yn chwalu, neuaddau yn cau,

Ac am raff y gorffennol yn mynd yn frau,

Nes gweld y tegeirian godidog.

Mae ‘na obaith i’r holl bethau prin yn y byd

Tra mae gwyrth o beth felly i’w chael o hyd

Ar fore o ha’ yn ogoninat i gyd,

Wedi cuddio cyhyd yn y mwsog!