Mae ymchwil a roddwyd ar waith gan y project wedi dangos bod cau ffosydd ar yr orgors o fudd i ddiogelwch da byw. Mae’r ffosydd agored yn beryglus oherwydd nad yw’r da byw’n gallu dringo ohonynt ac mae amryw’n boddi neu’n llwgu. Fe all cau ffosydd, yn arbennig ar lwybrau cyfarwydd da byw ar draws y rhostir, ddarparu mannau croesi i dda byw. 

Mae’r pyllau y tu ôl i’r argaeau hefyd yn nodweddion amlwg i’r da byw ac mewn mannau lle mae’r ffosydd wedi eu hail-lunio neu eu llenwi’n llwyr mae’r bygythiad yn diflannu’n llwyr. Ceir tystiolaeth hefyd bod y rheolaeth hon yn ei gwneud yn haws i’r da byw grwydro i’r mannau wedi eu draenio’n dda a bod hyn yn dechrau lleihau materion yn ymwneud â diffyg pori neu or-bori ar draws y rhostir cyfan.