Cynnal Diwrnod Arddangos LIFE / FWAG Cymru

Cynhaliwyd cynhadledd ar y cyd gan y Project LIFE a’r Grŵp Cynghori Ffermio a Bywyd Gwyllt, Cymru ar ddydd Mawrth 9 Gorffennaf 2009 yng Ngwesty Llyn Efyrnwy a Gwarchodfa Llyn Efyrnwy'r RSPB.  Ymysg y nawdeg a phedwar o bobl a ddaeth draw roedd ffermwyr, undebau amaethyddol, cymdeithasau anllywodraethol, elusennau bywyd gwyllt a chyrff llywodraethol.

Cadeirydd y diwrnod oedd Alun Edwards, Cadeirydd FWAG Cymru ac agorwyd y digwyddiad gan yr Aelod o Gynulliad Cymru Mick Bates.  Yna rhoddwyd sgyrsiau gan Dr Jared Wilson, Rheolwr y Project LIFE, sef “Cyflwyniad i Broject LIFE Adfer Gorgors Fyw Cymru”; David Jenkins, Coed Cymru, ar “Materion ehangach ynglŷn â rheolaeth tir: astudiaeth achos o Bontbren”; a theitl y brif sgwrs gan John Westlake, Llywodraeth Cynulliad Cymru, oedd “Dyfodol amaeth-amgylcheddol Cymru”. 

Ar ôl cinio rhannodd y grŵp yn ddau gydag un hanner yn dringo’r mynydd i weld y gwaith o gau ffosydd a wnaed dros y gaeaf.  Aeth y grŵp arall i weld y peirianwaith a ddefnyddiwyd yn y project a chafwyd cyfle hefyd i sgwrsio â’r contractwr a wnaeth y gwaith.  Yna newidiodd y grwpiau drosodd cyn anelu’n ôl am Westy Llyn Efyrnwy lle cafwyd crynodeb o’r diwrnod gan Alun Edwards.