Y diweddaraf ar waith ymarferol gaeaf

Mae’r ‘Estroniaid’ wedi bod yn gweithio’n hynod o ddygn.  Yn y 3 mis yn arwain hyd at y Nadolig, cliriwyd 2,665 o goed Sitca a Rhododendron sy’n hadu eu hunain o arwynebedd enfawr o 3,234.6 hectar.  O gyfuno’r cyfanswm hwn gyda’r gwaith a wnaethpwyd gan dîm y llynedd, dim ond 300 hectar arall sydd ar ôl i’w glirio ar warchodfa gyfan Llyn Efyrnwy. Go dda iddynt un ac oll!

Mae'r gwaith o lenwi ffosydd hefyd wedi parhau. Cyn y Nadolig roedd 6.26 cilometr wedi eu llenwi ac roedd 34.6 hectar wedi eu torri fel stribedi atal tân.