Project ymweliadau athrawon ysgol Ewrop

Ar ddydd Gwener 29ain Ionawr, cafwyd ymweliad â’r project gan arbenigwyr addysg Ewropeaidd a’r bobl hynny sy’n gwneud penderfyniadau parthed y Bartneriaeth Ddysgu Gydol Oes ac Ecotec.

Daeth y naw athro o wledydd fel Gwlad Pwyl, Twrci, Awstria a Groeg, i weld sut mae disgyblion ysgol yn elwa o ymweld â phrojectau amgylcheddol fel project LIFE Gorgors Fyw.

Rhoddodd Mike Morris sgwrs am y project i’r athrawon a phymtheg o fyfyrwyr blwyddyn 10 o Ysgol Uwchradd Llanfyllin, yna aethpwyd â hwy i fyny i’r rhostir mewn rhes o gerbydau Landrover i weld yr orgors.  Er gwaethaf yr oerni a’r eira, llwyddodd Mike, Jan Evans a Fiona Walker i ddangos y gwaith o gau’r ffosydd a monitro hydrolegol a llystyfiant i’r myfyrwyr.  Cafwyd cyfle hefyd i chwarae gyda’r llochesi grŵp a chynnal brwydr peli eira sydyn, wedi i’r haul ddangos ei wyneb!

Ar ôl cinio, aethpwyd â’r myfyrwyr, llawer ohonynt yn ffermwyr ifanc, a’r athrawon i fferm yr RSPB lle bu Jan yn egluro sut mae rhoi fferm organig ar waith a sut mae’r fferm yn elwa o’r gwaith adfer a gyflawnir gan y project.

Er nad oedd llawer o’r athrawon o wledydd mwy deheuol Ewrop wedi arfer â thywydd mor oer, roedd pawb wedi mwynhau’r diwrnod ac wedi dysgu llawer!

Rhoddwyd rhywfaint o gyhoeddusrwydd i’r diwrnod pan siaradodd Jan Evans am yr ymweliad ar BBC Radio Cymru ar y rhaglen Galwad Cynnar ar ddydd Sadwrn 30ain Ionawr.  Cliciwch  yma i wrando.