Ymholiad ucheldir Cymru

Mae is-bwyllgor datblygu gwledig y Cynulliad Cenedlaethol wedi cwblhau ymholiad saith-mis yn ddiweddar a allai sicrhau ffyniant yn y dyfodol ac sydd hefyd yn gwarchod ucheldir Cymru.

Yn ôl yr adroddiad yn y Western Mail heddiw mae’r adroddiad, Dyfodol yr Ucheldir, yn dweud bod ffermio a chynhyrchu bwyd yn chwarae rhan bwysig yn yr ucheldir yn ogystal â darparu gwasanaethau eraill megis lleihau carbon, gwarchod bioamrywiaeth a rhwystro llifogydd.  Fe all y rhain fod yn allweddol ar gyfer annog mwy o ffermwyr – yn enwedig ffermwyr ieuainc – i aros yn yr ucheldir a gweithio yno.

Mae’r adroddiad hefyd yn galw ar y Llywodraeth i weithredu asesiad o effeithiau tyrbinau gwynt ar yr ucheldir, yn enwedig ar fawn dwfn, o ran storio carbon.