Merlod ar Benaran

Ar y 9^fed Ebrill, gyda chymorth PONT, gollyngwyd naw o ferlod y Carneddau i Benaran, safle Comisiwn Coedwigaeth Cymru’r project ar ACA’r Migneint.

Ar ôl rhai eiliadau pryderus yn pendroni a fyddai’r merlod yn gadael y trelar, i ffwrdd â hwy i archwilio eu cartref newydd a phrofi’r llystyfiant blasus a gynigir gan Benaran.

Mae merlod yn anifeiliaid pori ardderchog ar yr orgors sy’n adfer ei hun gan eu bod yn gallu ymdopi â’r dirwedd arw, y tywydd cyfnewidiol a’r llystyfiant mwy gwydn.  Bydd y merlod yn byw ar y safle drwy gydol y flwyddyn a lluniwyd cytundeb gyda ffermwr lleol i’w gwarchod.