Monitro’r project

Er mwyn asesu pa mor effeithiol yw'r gwaith adfer cynefin a wneir drwy gyfrwng project LIFE Gorgors Fyw Cymru, rhoir rhaglen fonitro lawn ar waith.  Bydd hon yn cynnwys monitro hydrolegol, llystyfiant, a pharasitiaid. 

Cynhelir monitro llystyfiant ym mhob un o'r pum dalgylch sy'n llifo i Lyn Efyrnwy gan ddefnyddio cyfres o 30 trawslun, pob un â 10 cwadrat 1m² wedi ei leoli'r un pellter oddi wrth ei gilydd.  Ymwelir â'r cwadratau hyn yn 2007, 2008 a 2010 a chofnodir cyfansoddiad y rhywogaethau, amlder ac uchder y rhywogaethau o blanhigion sy'n bresennol ac a gofnodir, ynghyd â nifer o newidynnau eraill.  

Bydd monitro hydrolegol yn cofnodi'r lefel trwythiad, graddfeydd llif, ansawdd dŵr, a gwaddod o fewn sampl o ardaloedd o amgylch Llyn Efyrnwy.

Byddwn yn monitro trogod ym mis Ebrill ac Awst bob blwyddyn, mewn sampl o safleoedd yn ardal Llyn Efyrnwy. 

Amcan y gwaith monitro yw asesu effaith y gwaith o gau'r ffosydd ar yr hydroleg ac, yn eu tro, effeithiau'r newidiadau hyn ar gyfansoddiad y planhigion a chyflwr y cynefin.  Bydd hyn yn darparu'r project LIFE ac eraill gydag asesiad mesuradwy o effeithiau'r gwaith a gyflawnir.