Rhwydwaith Fioleg Poblogaethau'r DU (UKPopNet) - Ymchwil ar lan Llyn Efyrnwy

Rhwydwaith ymchwil gwyddonol yw UKPopNet sy’n cynnwys rhai o brif Brifysgolion Prydain ac a ariennir gan Gyngor Ymchwil yr Amgylchedd Naturiol a Natural England.  Ers 2006 mae amryw o aelodau staff a myfyrwyr UKPopNet wedi bod yn cydweithio’n agos gyda phroject LIFE Gorgors Fyw Cymry i gasglu tystiolaeth am effeithiau cau draeniau’r rhostir a thorri grug ar Warchodfa Llyn Efyrnwy.  Mae’r effeithiau ar stociau o garbon mewn pridd, ansawdd a chynnyrch dŵr, strwythur llystyfiant a chymunedau chwilod a phryfed cop i gyd yn cael eu hystyried.  Hyd yn hyn mae tri phrif broject, saith o brojectau llai a phedair astudiaeth PhD gan fyfyrwyr wedi eu hariannu ar gost cyfanswm o ~ £1M.

Mae pridd yr ucheldir yn storfa enfawr o garbon.  Un o’r prif gwestiynau ymchwil y mae ymchwilwyr UKPopNet yn mynd i’r afael ag ef yw ceisio penderfynu a yw pridd y rhostir ar lan Llyn Efyrnwy yn cynhyrchu neu’n defnyddio methan, nwy tŷ gwydr arbennig o rymus.  Mae amryw o ymchwilwyr yn cydweithio i ddatblygu modelau proffwydol a all helpu i arwain ymarferion rheolaeth ar yr ucheldir yn y dyfodol a helpu i ddeall yn well unrhyw newidiadau tebygol o ganlyniad i newid hinsawdd.  Er mwyn sicrhau’r nod yma, mae ffactorau a all effeithio ar ollyngiadau o fethan, megis y math o lystyfiant, lleithder y pridd ac uchder y lefel trwythiad yn cael eu mesur dros gyfnod o flwyddyn.  Ar yr un pryd, mae’r offer diweddaraf hefyd yn cael ei ddefnyddio i fesur llif nwyon ar sawl graddfa ofodol wahanol, yn amrywio o raddfa plât cinio i raddfa’r tirlun, er mwyn gwella cywirdeb y modelau.

Cyswllt â’r wefan http://www.ukpopnet.org/

         Awyren - ar raddfa'r tirlun

              Gorchudd gwydr - hyd at 10 m²

                               Siambrau cyfnewid nwyon - graddfa pl ât cinio